Episode 127: "Kabar baik"-Lampung(Api) Bahasa.3gp

"Firman Hidup", "Kabar Baik" dan "Lagu Injil" - Di Indonesia Bahasa, Dialek dan Bahasa Ethnis. / "Words of Life", "Good News" and "Gospel Songs" - In Indonesia Language, Dialects and Ethnic Languages.

"Good News"-Lampung(Api) Language.3gp // Yohanes 1 1 Pada mulani, semakkung dunia dijadiko, Firman radu wat. Firman wat jejama ELOHIM rik Firman gegoh jama ELOHIM. 2 Jak mula-mula Ia jejama ELOHIM. 3 Sunyinni dijadiko liwat Ia, rik jak sunyin sai wat, mak sai pun dijadiko tanpa Ia. 4 Firman udi sumber hurik, rik hurik ngeni terang jama manusia. 5 Terang udi becahaya delom kekelaman, rik kekelaman mak dapok madamkoni. 6 Ratongdo jelma sai diutus ELOHIM, Yohanes gelarni. 7 Ia ratong mewartako tentang terang udi, in sunyinni ulun percaya. 8 Ia tenggalan lain hak terang udi, ia angkah mewartako gaoh. 9 Terang sejati sai nerangi sunyinni manusia, ratong mik dunia. 10 Firman wat di dunia, dunia dijadiko liwat Ia, kidang dunia mak mengenal Ia. 11 Ia ratong mik negeri-Ni tenggalan kidang bangsa-Ni mak nerima Ia. 12 Kidang wat muneh jelma sai nerima Ia rik percaya jama Ia; tian dikeni-Ni hak jadi Anak ELOHIM, 13 sai dilaherko lain hak jak manusia, mani hurik ampai seno jak ELOHIM asalni. 14 Firman radu jadi manusia, Ia tinggal di hantara neram, rik ram radu ngeliak keagungan-Ni. Keagungan ano diterima-Ni injuk Anak tunggal Bapa. Liwat Ia ram ngeliak ELOHIM rik kasih-Ni jama ram. 15 Yohanes ratong sebagai saksi-Ni, ia mewartako: "Injido Ia sai kuucakko: Ia haga ratong lebih duri jak nyak, kidang lebih balak jak nyak, mani semakkung nyak wat, Ia radu wat." 16 Ia penuh kasih; mak taru, Ia ngeberkati ram. 17 Hukum Tuhan ram terima liwat Musa. Kidang kasih rik kesetiaan ELOHIM dinyatako liwat Isa Almasih. 18 Mak ngedok sai pernah ngeliak ELOHIM, selain Anak tunggal Bapa, sai gegoh jama Bapa rik erat nihan jama Ia. Iado sai nyatako Bapa jama ram.