O Concello de Narón presenta os Campamentos Culturais no Pazo e o programa Informatica divertida

Voces de Ferrol - RadioVoz

O próximo luns, día 12 de xuño, abriremos o prazo de inscrición para os "Campamentos culturais no Pazo". Haberá un total de 225 prazas distribuídas en tres quendas. A matrícula estará aberta do 17 ao 20 de xuño, en horario de 8:30 a 13:30 h, debendo formalizarse no Pazo da Cultura ou, como novidade este ano, a través da Sede Electrónica (apartado de Información Pública -> Actividades, onde xa podes consultar toda a info), e terán preferencia as nenas e nenos empadroados en Narón, tal e como avanzou a alcaldesa e presidenta do Padroado de Cultura Concello de Narón, Marián Ferreiro. Por outra banda hoxe abriu o prazo de inscrición no programa Informática Divertida (INDI) dirixido a menores empadroados en Narón de entre 8 e 12 anos!! As sesións desenvolveranse na Aula Cemit de Xuvia do 1 ao 31 de xullo en horario de mañá, de 10:00 a 13:30 h de luns a venres. En total ofértanse 15 prazas que se cubrirán por rigorosa orde de inscrición. Ademais, ofrécense dez prazas para os centros cívicos sociais de Pedroso, San Xiao, Doso, San Mateo, O Val, Castro e Sedes.